Í rúma hálfa öld hafa íslenskir sjómenn notið sjómannafsláttar, eða frá 1954. Nú vega stjórnvöld að sjómönnum sem færa miklar fórnir með útivist á sjó í öllum veðrum og standa undir velferð þjóðarinnar. Fyrsti áfangi af fjórum að afnámi sjómannaafsláttar tók gildi 1. janúar síðastlinn. Sjómenn þurfa að sæta aðför að kjörum sem nema 510 þúsund króna tekjum á ári miðað við meðallaun sjómanna.
Árið 2008 nýttu 5.736 sjómenn sér sjómannaafslátt, samtals 1.105 milljónum króna.
Sjómannafsláttur 2009 var 987 krónur á dag, miðað við 245 daga á sjó eða kr. 360.255.- á ári.
Með skerðingunni lækkar sjómannaafsláttur í ár í 740 krónur á dag miðað við 245 daga á sjó eða í kr. 270.137.-. Frá og með árinu 2014 verða sjómenn sviptir afslættinum að fullu. Hann verður 0 krónur.
Sjómenn sviptir afslætti en sjálftökuhópar fá milljarðatugi
Í greinagerð með frumvarpi fjármálaráðherra er sagt „... erfitt að rökstyðja [sjómannaafslátt] gagnvart ýmsum hópum ... Þá hafa vaknað hafi spurningar um sjómannafsláttinn með tilltiti til samkeppnisstöðu og ríkisaðstoðar við atvinnurekstur."
Þessi staðhæfing er sem blaut tuska framan í sjómenn.
Á sama tíma og ríkisstjórnin vegur að sjómönnum hafa ýmis hlunnindi sjálftökuhópa aukist jafnt og þétt - ekki síst opinberra starfsmanna, þingmanna og ráðherra. Myndast hafa forréttindastéttir sem njóta eftirfarandi greiðslna.
kr.
Dagpeningar 8.136.000.-
Ökutækjastyrkir 8.681.000.-
Bílastyrkir(forstjórajeppar) 6.035.000.-
Annað (föt, húsnæði, áskrifir, tölvur, símar, tryggingar o.fl.) 1.087.000.-
__________
Samtals kr. 23.939.000.-
Forréttindahópar fá tæpa 24 milljarða króna í skattfrjálsa peninga. (Dagpeningar hækkuðu um 75% á 15 árum - eða rúma sex milljarða meðan sjómannaafslættur lækkaði úr 1.548 milljónum 1994 í 1.105 milljónir króna.) Engir hafa safnað meiri hlunnindinum en þingmenn og ráðherrar. Nú svipta þingmenn og ráðherrar íslenska sjómenn einu hlunnindin sem þeir hafa fyrir langar fjarvistir frá ástvinum - konum og börnum.
Svona verðlauna nágrannaþjóðir sjómenn sína
Allar helstu nágrannaþjóðir okkar Íslendinga veita sjómannaafslátt og það mun hærri en íslenskir sjómenn fá. Því meir sem viðkomandi þjóð á undir sjómennsku, því hærri er sjómannaafslátturinn. Engin þjóð á meir undir sjómennsku en hin íslenska. Engin ein stétt lagði meira af mörkum við að brjóta hlekki fátæktar af íslenskri þjóð en sjómenn.
Á sama tíma og ríkisstjórnin veitist að sjómönnum verðlauna nágrannaþjóðir okkar sína sjómenn, samanber meðfylgjandi yfirlit yfir sjómannaafslátt:
Noregur 3.25 milljónir kr. á ári
Færeyjar 1.85 milljón kr. á ári
Danmörk 1.03 milljón kr. á ári
Svíþjóð 634 þúsund kr. á ári
Ólíkt hefst íslenska ríkisstjórnin að:
Ísland 360.255.- kr. árið 2010
Ísland 270.137.- kr. árið 2011
Ísland 179.670.- kr. árið 2012
Ísland 89.802.- kr. árið 2013
Ísland 0.0.- kr. árið 2014
Mikil er skömm íslenskra stjórnvalda.
sjomenn@sjomenn.is